Anjir Ice Cream

Anjir Ice Cream-અંજીર આઇસ્ક્રીમ

સામગ્રી:

૧/૨ લીટર દૂધ

૩ ચમચી મિલ્ક પાવડર

૧ ચમચી જીએમએસ પાવડર

૧/૮ ચમચી સીએમસી પાવડર

૧ કપ ખાંડ

૧ કપ મલાઈ અથવા ક્રીમ

૧ કપ અંજીર નો પલ્પ

૨ ચમચી અંજીર નાં ટુકડા

સર્વ કરવા માટે:

અંજીર

રીત:

સૌપ્રથમ એક બાઉલમાં દૂધ લઇ તેમાં ખાંડ, મિલ્ક પાવડર ,GMS પાવડર અને CMC પાવડર નાખી મિક્સ કરી બ્લેન્ડ કરવું.

ત્યારબાદ તે મિશ્રણને એક પેનમાં લઈ ગરમ કરવા માટે મૂકો. આ મિશ્રણને ત્રણ ચાર ઉભરા આવે અથવા તો થોડું ઘટ્ટ થાય ત્યાં સુધી ઉકાળવું.

દૂધ ઉકડી જાય એટલે તેને રુમ ટેમ્પરેચર પર આવે ત્યાં સુધી ઠંડુ થવા દેવું.

ત્યારબાદ તેને ડબ્બામાં ભરી ફ્રીઝરમાં સેટ કરવા માટે ૭ થી૮ કલાક માટે મૂકવું.

આઈસ્ક્રીમ સેટ થઈ જાય એટલે તેના પીસ કરી લેવા. 

ત્યારબાદ એક બાઉલમાં ક્રીમ અથવા મલાઈ ને બીટર વડે બીટ કરવું. પછી તેમાં સેટ થયેલો આઈસ્ક્રીમ ઉમેરી બીટ કરવો. પછી તેમાં અંજીર નો પલ્પ (ગરમ દૂધમાં બે કલાક માટે  અંજીર પલાળી ક્રસ કરેલ) તેમાં નાખી મિક્સ કરવું અને ફરી પાછું બીટ કરવું.

ત્યારબાદ તેને ડબ્બામાં ભરી અંજીરના ટુકડા નાખીફ્રીઝરમાં ૭ થી ૮ કલાક માટે  કરવા મૂકો. તે સેટ થઈ જાય પછી ફરી પાછું તેને બીટર વડે બીટ કરવું. ફરી પાછું તેને ૭-૮ કલાક માટે સેટ કરવા માટે મૂકવું.

આઈસ્ક્રીમ સેટ થઈ જાય એટલે તેને સર્વિંગ બાઉલમાં લઈ અંજીર થી ગાર્નિશ કરી સર્વ કરવું તો તૈયાર છે  અંજીર આઈસ્ક્રીમ...