કાચી કેરીનો છૂંદો

સામગ્રી:

 1 કિલો રાજાપુરી કાચી કેરી

1. 1 કિલો ખાંડ
2. ૩ ચમચી મીઠું
3. ૨ ચમચી હળદર
4. ૨થી ૩ ચમચી કાશ્મીરી લાલ મરચું

રીત:

1. સૌપ્રથમ રાજાપુરી કાચી કેરી પાણીથી ધોઈને કોરી કરવી. ત્યારબાદ તેની છાલ નીકાળી ખમણી માં ખમણી લેવી. ખમણ થોડું મોટું થાય એ રીતે ખમણી લેવી. ત્યારબાદ તેને એક તપેલામાં નાખી દેવું.

2. ત્યારબાદ તેમાં મીઠું અને હળદર નાખી મિક્સ કરવું. તે મિક્સરને આખી રાત ઢાંકીને એમ જ રહેવા દેવું. ત્યારબાદ તેમાં ખાંડ ઉમેરી મિક્સ કરવું.

3. અને આ મિક્સરને આખો દિવસ ઘરમાં જ રહેવા દેવું. અને બે ત્રણ કલાકે ચમચા વડે હલાવતા રહેવું. જેથી ખાંડ ઓગળી જાય.

   

4. ખાંડ બરાબર ઓગળી જાય પછી આ મિક્સર પર મલમલનુ સફેદ કપડું અથવા કોટનનું કપડું તેના પર બાંધી દેવું. ત્યાર પછી તેને આખો દિવસ તડકામાં રહેવા દેવું. પછી સાંજે ઘરમાં લાવી તેને ફરી પાછું હલાવી લેવું. ત્યાર બાદ બીજે દિવસે ફરી પાછું કપડું બાંધી તડકામાં રાખી દેવો. આ રીતે ત્રણ-ચાર દિવસ સુધી તડકામાં રાખો.

5. ત્યાર પછી ખાંડની ચાસણી બની જાય અને ઘટ્ટ થઈ જાય એટલે સમજવું કે છૂંદો તૈયાર થઈ ગયો છે પછી તેને સાત આઠ કલાક માટે ઠંડો થવા દેવો. પછી તેમાં લાલ કાશ્મીરી મરચું ઉમેરી મિક્સ કરવું પછી તેને કાચની બરણીમાં ભરી આખું વરસ સાચવી શકાય છે તો તૈયાર છે કાચી કેરીનો તડકા છાયા નો છૂંદો...