ડ્રાયફ્રુટ અંગુરી રબડી

સામગ્રી:

1. રબડી બનાવવા માટે
2. ૧ લીટર મલાઈવાળું દૂધ
3. 2 કપ ખાંડ
4. ૧ કપ મિલ્ક પાવડર
5. ૧ કપ મલાઈ
6. ૧ ચમચી એલચી પાવડર
7. ૧ કપ મીક્ષ ડ્રાયફ્રુટ (કાજુ બદામ પિસ્તાની કતરણ)
8. અંગુરી (પનીર બોલ્સ)બનાવવા માટે:
9. ૧ લિટર ગાયનું દૂધ
10. ૧ થી ૨ચમચી લીંબુનો રસ
11. પાણી જરૂર મુજબ
12. ચાસણી બનાવવા માટે:
13. 1 કપ ખાંડ
14. ૧ કપ પાણી
15. ગાર્નીશિંગ માટે:
16. કાજુ બદામ પિસ્તાની કતરણ

રીત:

1. સૌપ્રથમ અંગુરી એટલે કે બોલ્સ બનાવવા માટે એક પેનમાં દૂધ કરવા માટે મૂકો દૂધ ગરમ થઈ જાય એનો એક ઉભરો આવી જાય એટલે ગેસ બંધ કરી તેમાં લીંબુનો રસ ઉમેરી મિક્સ કરવું દૂધ ફાટી જાય ત્યાં સુધી ચલાવવું ત્યારબાદ તેને ગાળી લેવું અને પનીરને બે વખત પાણીથી ધોઇ લેવું જેથી તેની ખટાશ ઓછી થઈ જાય. ત્યારબાદ તેને મલમલના કપડામાં નાખી બધું જ પાણી નીકળી દેવું. અને પનીર તૈયાર કરવું.

   

2. ત્યારબાદ તૈયાર કરેલ પનીરને એક ડીશમાં લઈ હાથની મદદથી મસળી લેવું. અને પનીરને એકદમ સોફ્ટ તૈયાર કરવું ત્યારબાદ તેના નાના નાના બોલ્સ વાળવા.

   

3. ત્યાર બાદ એક પેનમાં ખાંડ નાખી ખાંડ ડૂબે તેટલું પાણી નાખી એક તાર જેવી ચાસણી તૈયાર કરવી ચાસણી થાય એટલે તેમાં તૈયાર કરેલા બોલ્સ નાખી પાંચથી સાત મિનિટ માટે થવા દેવા.ત્યારબાદ તે બોલસને કાઢી ઠંડા કરવા.

   

4. રબડી બનાવવા માટે એક પેનમાં દૂધ ગરમ કરવા માટે મૂકો દૂધ ગરમ થાય એટલે તેમાં ખાંડ ઉમેરો અને દૂધને થોડીવાર માટે ઉકાળો. ત્યારબાદ તેમાં મલાઈ અને દૂધમાં ઓગાળેલું મિલ્ક પાવડર નું મિક્સર થોડું થોડું ઉમેરી મિક્સ કરતા જાઓ. દૂધ ઘટ્ટ થાય ત્યાં સુધી થવા દો. રબડી થઈ જાય એટલે તેમાં મિક્સ ડ્રાયફ્રૂટ અને એલચી પાવડર ઉમેરી મિક્સ કરો.

   

5. ત્યારબાદ તૈયાર થયેલ રબડી માં અંગુરી ઉમેરી મિક્સ કરો. ત્યારબાદ સર્વિંગ બાઉલમાં તૈયાર કરી અંગુરી રબડી લઈ કાજુ બદામ પિસ્તાની કતરણથી ગાર્નિશ કરી સર્વ કરો તો તૈયાર છે અંગુરી રબડી....